АҚШ президентлигига Демократлар партиясидан номзод бўлган Ҳиллари Клинтон 2016 йилги сайловларда овоз беришда қатнашиш ҳуқуқи бўлмаган 800 мингдан ортиқ кишининг қўллаб-қувватловини қўлга киритган. Бу ҳақда, «Коммерсантъ»нинг ёзишича, Тҳе Washington Times ўз манбаларига таяниб эълон қилган.
«Сайловларда АҚШ ҳудудида истиқомат қилаётган ва фуқаролиги бўлмаган шахсларнинг 6,4 фоизи иштирок этди. Ноқонуний овозларнинг 81 фоиздан ортиғи Ҳиллари Клинтон учун берилган», — дея таъкидлади бу борада тадқиқот олиб борган Виржиния университети сиёсацҳуноси Жесси Ричман.
Мазкур кўрсаткич тахминан 834 минг бюллетенга тўғри келади. Бундай қўллаб-қувватлаш демократлар номзодининг мавқейини мустаҳкамлаб, Клинтонга штатлардан бирида ғалаба қозонишга ёрдам берган бўлиши мумкин.
Эслатиб ўтамиз, овоз бериш натижаларига кўра, Ҳиллари Клинтон сайловда танловчилар ҳаъятининг овозлари сабаб ғалаба қозонган республикачилар номзоди — Дональд Трампдан салкам 3 миллион бюллетенга ўзиб кетди. Ўз навбатида, Трамп рақибини овоз бериш жараёнида ғирромликларга йўл қўйишда айблади.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)