Rossiya prezidenti matbuot kotibi Dmitriy Peskov Vladimir Putin va AQShning saylangan prezidenti Donald Trampning uchrashuvi “qanchalik tezroq bo‘lib o‘tsa, shunchalik yaxshi” degan fikrda. Bu haqda u NBC telekanaliga bergan intervyusida aytib o‘tdi, deb yozadi “TASS”.
“Rossiya prezidenti Trampni inauguratsiya bilan tabriklashini kutish mumkin, bu odatiy protokolli amaliyot”, — dedi u. “U yog‘i esa ularga bog‘liq, bu ularning qarori”, — deya ta’kidladi Peskov ikki davlat rahbari baribir gaplashishiga to‘g‘ri kelishini qo‘shib qo‘yarkan.
Putin va Trampning uchrashuvi qachon bo‘lishi mumkinligi haqidagi aniqlashtiruvchi savolga Peskov: “Qanchalik tezroq bo‘lsa, shunchalik yaxshi”, — deya javob qildi.
“Ikki tomonlama munosabatlarning hozirgi holati va keskinlikni, shu jumladan, ikki mamlakat jamoatchilik fikridagi keskinlikni hisobga olgan holda, albatta, eng yaxshisi, yuzma-yuz o‘tirib, zarur narsalarni gaplashib olish”, — degan fikrda Peskov.
Izoh (0)