Россия президенти матбуот котиби Дмитрий Песков Владимир Путин ва АҚШнинг сайланган президенти Дональд Трампнинг учрашуви «қанчалик тезроқ бўлиб ўтса, шунчалик яхши» деган фикрда. Бу ҳақда у NBC телеканалига берган интервьюсида айтиб ўтди, деб ёзади «ТАСС».
«Россия президенти Трампни инаугурация билан табриклашини кутиш мумкин, бу одатий протоколли амалиёт», — деди у. «У ёғи эса уларга боғлиқ, бу уларнинг қарори», — дея таъкидлади Песков икки давлат раҳбари барибир гаплашишига тўғри келишини қўшиб қўяркан.
Путин ва Трампнинг учрашуви қачон бўлиши мумкинлиги ҳақидаги аниқлаштирувчи саволга Песков: «Қанчалик тезроқ бўлса, шунчалик яхши», — дея жавоб қилди.
«Икки томонлама муносабатларнинг ҳозирги ҳолати ва кескинликни, шу жумладан, икки мамлакат жамоатчилик фикридаги кескинликни ҳисобга олган ҳолда, албатта, энг яхшиси, юзма-юз ўтириб, зарур нарсаларни гаплашиб олиш», — деган фикрда Песков.
Изоҳ (0)