Stavropoldagi YTHda bir chaqaloq halok bo‘ldi, to‘rt kishi jarohatlandi

Rossiyaning Stavropol shahri Gracheskiy tumanida uchta yengil avtomobil to‘qnashishi natijasida bir kishi qurbon bo‘ldi, yana bir necha kishi jabrlandi, deya xabar bermoqda “Interfaks”.

“Moskva vaqti bilan 18:10 (Toshkent vaqti bilan 20:10)da Staromaryevka qishlog‘i yaqinida VAZ-2107 haydovchisi qarama-qarshi yo‘nalishga chiqib, ‘Nissan’ bilan, so‘ng ‘Xenday’ avtomobili bilan to‘qnashdi”, — dedi o‘lka bo‘yicha Davlat avtomobil inspeksiyasi vakili.

Uning so‘zlariga ko‘ra, avtohalokat natijasida “Xenday”dagi bir oylik chaqaloq vafot etgan, shu mashinadagi ikkinchi bola — 5 yoshli bolakay og‘ir jarohatlar bilan kasalxonaga yetkazilgan.

Bundan tashqari, “Nissan” haydovchisi va ikki yo‘lovchisi, shuningdek, “Xenday” yo‘lovchisi ham kasalxonaga keltirilgan.

YTH yuz bergan vaziyat va sabablari o‘rganilmoqda.