Braziliya shimoli-g‘arbidagi Anisio Jobim qamoqxonasida mahbuslar qo‘zg‘olonini bostirish chog‘ida 60 kishi halok bo‘ldi, deya xabar bermoqda “RBK” mahalliy xavfsizlik xizmati kotibi Serxio Fontesga tayanib.
Mantaus tashqarisida joylashgan axloq tuzatish muassasasidagi tartibsizliklar 1-yanvar kunduzi bir-biri bilan dushman bo‘lgan ikkita jinoyatchi guruh o‘rtasidagi janjal tufayli boshlangan. Tartibsizliklar chog‘ida mahbuslar 12 nafar turma nazoratchisini, shuningdek, bir necha mahbusni garovga oldi va bir necha soatdan so‘ng ularni qo‘yib yubordi.
Qo‘zg‘olonni bostirish bo‘yicha operatsiyaning ertasi kuni mahbuslar taslim bo‘ldi. Operatsiya paytida mahbuslar qamoqxona maydonidagi politsiya qarshisiga olti nafar boshi tanasidan judo qilingan jasadni tashladi. Ayni paytda ular politsiya yoki mahbuslar ekanligi aniqlanmoqda.
Ta’kidlanishicha, qo‘zg‘olonni bostirish chog‘ida turmadan bir necha mahbus qochib ketgan bo‘lishi mumkin. Ularning soni aniqlashtirilmoqda.
Izoh (0)