Rossiyaning Armanistondagi aviatsiya bazasi ofitseri Viktor Yemelyanovning o‘limiga yurak faoliyatidagi o‘tkir yetishmovchilik sabab bo‘lgan bo‘lishi mumkin, deya xabar bermoqda “Vedomosti” mudofaa vazirligiga tayanib. Yemelyanov Yerevandagi mehmonxonalardan birida o‘lik holda topilgan.
“Jasadni ko‘zdan kechirish chog‘ida g‘ayritabiiy o‘lim belgilari aniqlanmadi. Dastlabki ma’lumotlarga ko‘ra, harbiy xizmatchining vafotiga yurak faoliyatidagi o‘tkir yetishmovchilik sabab bo‘lgan bo‘lishi mumkin”, — deyiladi vazirlik bayonotida.
Harbiy baza qo‘mondonligi huquq-tartibot organlari bilan hamkorlikda hodisa yuz bergan vaziyatni aniqlashtirmoqda. 45 yoshli harbiy xizmatchining o‘limi holati bo‘yicha jinoiy ish ochildi, tergov olib borilmoqda.
Izoh (0)