BMT bosh kotibi Pan Gi Mun o‘z lavozimidagi so‘nggi daqiqada Nyu-Yorkning Tayms-skver maydonida 2017-yil kirishigacha bo‘lgan teskari sanoq tugmasini bosadi, deb yozadi “TASS”.
Tadbir tashkilotchilari ma’lum qilishicha, teskari sanoq tugmasi bosilgach, Nyu-Yorkda Yangi yilning asosiy ramzlaridan biri hisoblangan billur shar osmo‘par binolardan birining shpili (nayzasimon uchi) bo‘ylab asta-sekinlik bilan pastga tusha boshlaydi. AQShning Sharqiy sohilida 2017-yil kirib kelgan vaqtda u o‘zining eng pastki nuqtasiga yetadi.
Pan Gi Mun 2007-yilning 1-yanvaridan BMT bosh kotibi bo‘lib kelmoqda. 2017-yilning 1-yanvarida esa ushbu lavozimga Antoniu Guterrish kirishadi.
Izoh (0)