O‘zbekiston dunyo iqtisodiyotlari reytingida 63-o‘rinni egalladi

SolAbility ilmiy-tadqiqot instituti Global Sustainable Competitiveness Index hisobotini chop etdi, unda dunyo mamlakatlari taraqqiyot va iqtisodiy barqarorlik darajasi bo‘yicha solishtirildi.

Har bir davlat 100 balldan muayyan bir ballga ega bo‘ldi. Reytingda O‘zbekiston 44,6 ball bilan 63-o‘rinda joylashdi.

Birinchi pog‘onani 60,9 ball bilan Shvetsiya, ikkinchi pog‘onani 59,4 ball bilan Norvegiya va uchinchi o‘rinni 59,2 ball bilan Finlyandiya egalladi. Yuqori o‘nlikka, shuningdek, Daniya, Islandiya, Sloveniya, Shveysariya, Irlandiya va Lyuksemburg kirdi.

Qozog‘iston 46,2 ball bilan 47-, Qirg‘iziston 44,3 ball bilan 66-, Tojikiston 42,7 ball bilan 89-, Turkmaniston 38 ball bilan 139-o‘rinda joylashdi.

Ukraina 64-, Rossiya esa 45-pog‘onani egalladi.

SolAbility reytingi raqobatbardoshlilik modeliga asoslangan bo‘lib, u tabiiy kapital imkoniyati, mamlakat boshqaruvi, intellektual kapital, resurslar va ijtimoiy birdamlikni o‘z ichiga oladi.