AQSh mudofaa vaziri Eshton Karter Suriyada IShIDning uch nafar yetakchisi o‘ldirilganini ma’lum qildi. Bu haqda “Interfaks” xabar bermoqda.
Pentagon vakili Piter Kukning aytishicha, terrorchilar 4-dekabr kuni AQSh tomonidan boshqarilayotgan koalitsiyaning Rakka shahriga bergan aviazarbasi davomida o‘ldirildi.
Yo‘q qilingan IShID yetakchilaridan ikkisi Parijdagi teraktlarga aloqador bo‘lgani, yana biri terakt rejalashtirgani uchun Belgiyada sirtdan jazoga hukm qilingani bildirilmoqda.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)