Kamchatkadagi Bezimyanniy vulqoni oxirgi 4 yil mobaynida birinchi kuchli otilishi mumkin. Bu haqda Rossiya vulqonshunoslik va seysmologiya instituti Kamchatka guruhi rahbari Olga Girina ma’lum qildi, deya xabar beradi “TASS”.
“Vulqonning seysmik faolligi 18-noyabrdan orta boshladi. 5-dekabrdan boshlab sun’iy yo‘ldosh ma’lumotlari issiqlik anomaliyasi harorati ko‘tarilganini ko‘rsatmoqda. 12-dekabr kechki payt harorat Selsiy bo‘yicha +50 darajani tashkil etdi”, — deya ta’kidladi Girina.
Guruh rahbariga ko‘ra, yaqin kunlarda Bezimyanniy vulqoni harakatga kelishi va kuli dengiz sathidan 15 hamda undan ortiq kilometrga ko‘tarilishi mumkin.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)