“Sotsialistlar partiyasi” yetakchisi Igor Dodon rasman Moldova prezidenti deb e’tirof etildi. Davlat rahbari saylovi natijalarini tasdiqlagan mamlakat Konstitutsiyaviy sudi 13-dekabr, seshanba kuni tegishli qaror qabul qildi. Bu haqda “Interfaks” xabar bermoqda.
Konstitutsiyaviy sud shu tariqa ovoz berish natijalarini shubha ostiga olgan Dodonning saylovlardagi raqibi Mayya Sandu e’tirozlarini inobatga olmadi. Sud Sandu ko‘rsatib o‘tgan saylov jarayonidagi kamchiliklar, jumladan, xorijda saylov uchastkalarining yetarli bo‘lmagani ovoz berish natijalariga ta’sir o‘tkazmagan, deb topdi.
Saylovlardan so‘ng Dodon partiya raisligi vakolatini zimmasidan soqit qildi. U birinchi rasmiy tashrifi Moskvaga bo‘lishini bildirgan.
Saylangan prezidentning inauguratsiya marosimi 23-dekabrda bo‘lib o‘tadi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)