Shanxay ikki mahalliy aeroportidagi yiliga 100 million yo‘lovchidan ortiq oqimi bilan dunyoning eng yirik havo transporti tarmoqlari qatoriga kirdi. Bu haqda “TASS” xabar bermoqda.
100 millioninchi yo‘lovchi 12-dekabr, dushanba kuni Pudun xalqaro aeroportiga Moskvadan kelgan reys bilan qo‘ndi. Shu tariqa, Shanxay aeroportlari yo‘lovchi oqimi hajmiga ko‘ra faqat London, Nyu-York, Tokio va Atlanta havo qo‘nalg‘alaridan ortda qolmoqda.
Megapolisdagi Pudun va Xunsyao aeroportlari o‘tgan yili Xitoy havo harakatining 11 foizini qamrab olgan. Asosan xalqaro yo‘nalishlarga xizmat qiladigan Pudun aeroportidan samolyotlar dunyoning 250 shahriga uchadi.
Mahalliy rasmiylarga ko‘ra, 2020-yilga kelib Shanxaydagi ikki aeroport 120 million yo‘lovchiga xizmat ko‘rsatadi va 5,2 million tonna yuk tashiydi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)