29-noyabrdan 5-dekabrga qadar Tailandning Patayya shahrida bodibilding va fitnes bo‘yicha VIII jahon chempionati (8th WBPF World Championships 2016) bo‘lib o‘tmoqda. Bu haqda, O‘zbekiston bodibilding va fitnes federatsiyasiga asoslanib, “Gazeta.uz” xabar bermoqda.
2-dekabr kuni O‘zbekiston vakili Pavel Umirzakov jahonning 23 sportchisi orasida 40–49 yosh toifasida “bodibilding ustasi” kategoriyasi bo‘yicha eng yaxshi natijani qayd qildi. Bu O‘zbekiston tarixida bodibilding bo‘yicha jahon chempionatida qo‘lga kiritilgan birinchi oltin medaldir.
2014 va 2016-yillarda bodibilding va fitnes bo‘yicha O‘zbekiston chempioni, ikki karra Osiyo chempioni Pavel Umirzakov ilgariroq bodibilding bo‘yicha O‘zbekiston kubogini qo‘lga kiritgani ma’lum qilingan edi.
Izoh (0)