Toshkent shahrida shaxmat bo‘yicha an’anaviy “Oltin kuz” reyting turniri o‘tkazildi. Musobaqada 30 dan ziyod shaxmatchi g‘oliblik uchun kurash olib bordi. Bu haqda O‘zA xabar bermoqda.
Shveysarcha tizimda 9 turdan iborat turnirda poytaxtlik Rustam Saidaliyev 7,5 ochko bilan birinchi o‘rinni egalladi. U 9 partiyaning 7 tasida g‘alaba qozonib, bittasida durang natijani qayd etdi.
Poytaxtlik yana bir shaxmatchi Aleksandr Agishev 7 ochko bilan ikkinchi o‘ringa, xorazmlik Nilufar Yoqubboyeva 6,5 ochko bilan uchinchi o‘ringa sazovor bo‘ldi.
Shuningdek, qizlar o‘rtasida toshkentlik Asal Salimova, 14 yoshgacha bo‘lgan o‘g‘il bolalar bahsida Toshkent viloyatidan Samandar Shermuhammadov, faxriylar orasida toshkentlik Shavkat Yo‘ldoshev g‘olib, deb topildi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)