Futbol bo‘yicha O‘zbekiston milliy terma jamoasi Janubiy Koreyaga qarshi JCh—2018 saralash uchrashuvida hisobni ochdi. “Daryo” mazkur o‘yindan matnli onlayn olib bormoqda.
Uchrashuvning 25-daqiqasida O‘zbekiston milliy terma jamoasining kam sonli hujumlaridan biri gol bilan tugadi.
Yakkama-yakka vaziyatga chiqib borayotgan o‘zbekistonlik hujumchi Igor Sergeyevni zararsizlantirish maqsadida Janubiy Koreya darvozaboni darvozasini tashlab chiqqanidan so‘ng, to‘p Marat Bikmayevga borib tushdi va uzoq masofadan raqibning bo‘sh qolgan darvozasini chiroyli tarzda aniq nishonga oldi.
Qayd etish joiz, Toshkentning “Lokomotiv” klubida a’zosi hisoblangan Marat Bikmayev milliy termada saralash doirasidagi ketma-ket ikkinchi o‘yinida gol urdi. Bundan avval u Xitoyga qarshi o‘yinda ham gol urgan edi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)