United Airlines aviakompaniyasining Yangi Orlean shahridan Xyustonga yetib kelgan samolyot qo‘nishdan so‘ng harakatdan to‘xtamagan bir paytda yo‘lovchi ayol undan sakradi. Bu haqda, ABC telekanaliga asoslanib, “TASS” xabar bermoqda.
Aytilishicha, samolyot belgilanganidan yarim soat oldin qo‘ndi. Ayol havo kemasi to‘xtashini kutib o‘tirmay, qo‘shimcha lyukni ochib, qanotga chiqdi va yerga sakradi.
Ayol politsiya xodimlari tomonidan voqea joyida qo‘lga olindi. Ayni paytda shifoxonada uning ruhiy holati tekshirilmoqda.
Okrug prokuraturasi ayblov ilgari surishdan bosh tortdi, Federal qidiruv byurosi ham voqeani tergov qilmasligi ma’lum bo‘ldi.
Izoh (0)