Shanxay hamkorlik tashkiloti bosh kotibi Rashid Alimov boshchiligidagi ShHT kuzatuvchilari missiyasi O‘zbekiston Prezidenti sayloviga tayyorgarlikning borishi va o‘tkazilishi bilan tanishish uchun 29-noyabrdan 5-dekabrgacha O‘zbekistonda bo‘ladi. Bu haqda xalqaro tashkilot saytida ma’lum qilindi.
Xalqaro kuzatuvchilarning taklif etilishi ShHT missiyasi tomonidan O‘zbekiston Respublikasi rahbariyatining Prezidentlik saylovini maksimal darajada ochiq va demokratik ruhda o‘tishini ta’minlashga intilishi sifatida baholanmoqda.
Missiya tarkibiga ShHTga a’zo davlatlar qonunchilik, ijro va saylov organlari vakillari, tashkilot Kotibiyatining mansabdor shaxslari, jami 20 kishi kirgan. ShHT missiyasi kuzatuv faoliyati davomida O‘zbekistonning barcha saylov okruglarida, imkon qadar ko‘proq saylov uchastkalarida bo‘lishni mo‘ljallagan.
ShHT missiyasi Tashqi ishlar vazirligi, Markaziy saylov komissiyasi, Jahon iqtisodiyoti va diplomatiya universitetida uchrashuvlar o‘tkazish, saylov uchastkalari rais, kotib va a’zolari, oddiy saylovchilar, mahalliy kuzatuvchilar, siyosiy partiyalar, OAV vakillari, xorijiy davlatlar va xalqaro tashkilotlar kuzatuvchilar missiyalari rahbarlari hamda a’zolari bilan muloqotda bo‘lishni rejalashtirmoqda.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)