Isroil hukumati 29-noyabr, seshanba kuni mamlakatdagi yong‘inlarni o‘chirish bo‘yicha xalqaro operatsiya yakunlanganini e’lon qildi, deb yozadi “TASS”.
“Butun Isroil bo‘ylab yong‘inni o‘chirish bo‘yicha besh kunlik operatsiya yakunlandi, unda o‘nta mamlakatdan xalqaro kuchlar 19 ta samolyoti bilan qatnashdi”, — deyiladi politsiya rasmiy xabarida. Seshanbadan operatsiyaga jalb qilingan barcha yong‘in bo‘linmalari odatiy ish rejimiga o‘tkaziladi.
Yong‘inga qarshi kurash operatsiyasida O‘t o‘chirish xizmatining 16 ta samolyoti va to‘rtta vertolyoti qatnashdi. O‘tni o‘chirishda Rossiya favqulodda vaziyatlar vazirligining Be-200 amfibiya samolyotlari faol ishtirok etdi. Isroil Rossiya, Gretsiya, Italiya, Xorvatiya, Kipr, Ispaniya, Turkiya va Ozarbayjonga yordam so‘rab murojaat qildi.
Bir hafta ichida Isroil hududida 1773 ta alanga o‘choqlari qayd etildi. 39 ta yirik yong‘inni o‘chirishga o‘ndan ortiq o‘t o‘chirish guruhlari jalb qilindi.
Izoh (0)