Iroq bosh vaziri Haydar al-Obodiy mamlakat OPEK rejasi doirasida neft narxini barqarorlashtirish uchun xomashyo qazib olishni qisqartirishga tayyorligini bildirdi. Bu haqda “TASS” xabar bermoqda.
“OPEK a’zolari qazib olishni sutkasiga 0,9—1,2 million barrelga kamaytirish haqida kelishib oladi, deb o‘ylayman. Bu narx ko‘tarilishi uchun yetarli deb hisoblayman. Biz o‘zimizga tegishli ulushni olamiz, bunga rozi bo‘ldik”, — deya ta’kidladi Obodiy.
Ma’lumot uchun, Iroq OPEKning neft qazib olish hajmi bo‘yicha ikkinchi davlati sanaladi: oktabr oyida mamlakatda sutkasiga o‘rtacha 4,65 million barrel neft qazib olindi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)