Kolumbiyada bortida 72 yo‘lovchi bo‘lgan samolyot quladi

Kolumbiyada bortida 72 kishi bo‘lgan yo‘lovchi samolyot halokatga uchradi, deya xabar bermoqda Meduza.

Associated Press axborotiga ko‘ra, samolyot Medelin shahri xalqaro aeroportiga qo‘nishi lozim edi.

Tasdiqlanmagan ma’lumotlarga ko‘ra, samolyot bortida Braziliyaning “Shapekoense” futbol klubi a’zolari bo‘lgan.

Qurbonlar va jabrlanuvchilar soni haqida hozircha hech qanday ma’lumot yo‘q.

Samolyot Boliviyadan Kolumbiyaga uchib kelayotgan edi. Medelin meri Federiko Gutiyerresning so‘zlariga ko‘ra, samolyot yarim tunda (Toshkent vaqti bilan 10:00 atrofida) shahar yaqinidagi tog‘li hududga qulagan.

Aviahalokat sabablari ma’lum emas.

FlightRadar24 ma’lumotlariga ko‘ra, LMI2933 borti Boliviyaning Santa-Krus-de-la-Syerra shahridan mahalliy vaqt bilan 18:18 da (Toshkent vaqti bilan 3:18 da) havoga ko‘tarilgan.

Bortdagi transponderdan olingan axborotiga ko‘ra, samolyot Medelinga qo‘nishdan avval aylanalarni amalga oshirgan, so‘ng radardan yo‘qolgan.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.