Франция бош вазири ҳукумат раҳбари лавозимида қолишга қарор қилди

Франция бош вазири Мануэль Вальс ҳукумат раҳбари лавозимини тарк этмасликка қарор қилди. Бу ҳақда маҳаллий ОАВлар Франция бош вазири қароргоҳидаги манбаларига таяниб хабар берди, деб ёзади «Интерфакс». Уларнинг маълумотларига кўра, Вальс ҳукумат раҳбари лавозимида қолиб, «давлатчилик ҳисси»ни сақлаб қолишга тайёрлигини билдирган.

28 ноябрь, душанба куни Вальс ва Франция президенти Франсуа Олланд Елисей саройида ишчи нонуштасини ўтказган эди. «Журналь дю диманш» нашрига берган интервьюсида эса Вальс келаси йилда мамлакат президентлигига сайловларда номзодини илгари суришга шайлигини маълум қилган эди.

Ўтган ҳафта «Фигаро» газетаси ҳукумат раҳбарига яқин манбаларига таяниб, Вальс Олландни ҳокимиятда иккинчи муддатга қолмасликка кўндиришга уринаётганини хабар қилган эди.

Олланд иккинчи муддат учун ўз номзодини қўйиш-қўймаслиги ҳақида 15 декабргача эълон қилиши керак. Бу — франциялик сўллар праймеризида номзодликни расмийлаштириш учун сўнгги муддат. Баъзи кузатувчилар Олланднинг мамлакатдаги паст рейтингини ҳисобга олган ҳолда, унинг сайловларда қатнашмагани маъқул, деб ҳисоблайди. Муқобил номзод сифатида кўплаб ОАВлар айнан Вальсни келтирмоқда.

Франция президентлигига сайловлар 2015 йил баҳорида бўлиб ўтади.