Yevropa davlatlarining Yevroittifoq doirasidagi integratsiyasi vaqtinchalik to‘xtatilishi zarur. Bu haqda Germaniya prezidenti Yoaxim Gauk Welt am Sonntag nashrida 27-noyabr, yakshanba kuni chop etilgan intervyusida ma’lum qildi, deya xabar beradi “TASS”.
“Yevroittifoqni yaratish asnosida oldingi avlodlar faqat orzu qilishi mumkin bo‘lgan aql bovar qilmas konsepsiyani ishlab chiqdik. Biroq ushbu katta birlashuv yo‘lida ba’zan juda shoshildik, hamma fuqarolar ham ortimizdan yetib ololmadi yoki buni istamadi. Biz qanday maqsadlarni ko‘zlashimiz kerakligini muhokama etish uchun tanaffus haqida o‘ylab ko‘rishimiz foydadan xoli bo‘lmaydi”, — deya ta’kidladi prezident.
Gauk ko‘pchilik odamlar uchun birlashgan Yevropada va butunjahon globallashuvi sharoitida yashash oson emasligini bildirdi.
“Hamma ham o‘zini dunyo fuqarosi deb bilavermaydi. Insonlarga uy, vatan kerak, ular o‘zlarini nimagadir tegishli ekanligini his etishni istaydi”, — deya izoh berdi Gauk.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)