Pokiston poytaxtidan 50 kilometr narida IShID terrorchi guruhi yetakchilaridan birini yo‘q qilish bo‘yicha operatsiya o‘tkazildi. Bu haqda “Korrespondent.net” xabar bermoqda.
Aytilishicha, Merri shahridagi uylardan birida huquq-tartibot organlari xodimlari bir necha jangarini aniqladi. Politsiya aksilterror bo‘limining ikki xizmatchisi boshlanib ketgan otishmada yaralandi. Ikki jangari qochib ketishga muvaffaq bo‘ldi.
Qidiruv chog‘ida uy ichidan xudkush kamari hamda qo‘lbola portlovchi uskunalar yasash uchun kerakli komponentlar topildi. Politsiya jangarilar Ravalpindi va Islomoboddagi OAV binolariga hujumlarni rejalashtirganini aniqladi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)