AQShning yangi saylangan prezidenti Donald Tramp 17-noyabr, payshanba kuni Yaponiya bosh vaziri Sindzo Abe bilan uchrashdi, bu mamlakatdagi saylovlardan keyin chet ellik yetakchi bilan o‘tkazilgan birinchi uchrashuv bo‘ldi, deb yozadi “TASS”.
Yaponiya hukumati rahbari bilan suhbat allaqachon yakunlangani xabar berilmoqda. 17-noyabr kuni avvalroq Abe Nyu-Yorkka yetib kelgan edi. Siyosatchilar muhokama qiladigan mavzular haqida hech narsa aytilmagan edi.
Uchrashuv yakunlariga ko‘ra, Abe Donald Tramp bilan ishonchli aloqalar o‘rnata olishini ma’lum qildi. “Biz do‘stona muhitda juda sermazmun suhbat o‘tkazdik. Men turli masalalar bo‘yicha bizning pozitsiyamizni ma’lum qildim. Ishonchim komilki, biz yangi saylangan prezident Tramp bilan ishonchli aloqalarni o‘rnata olamiz”, — dedi Abe.
Yaponiya bosh vaziri qo‘shimcha qilishicha, siyosatchilar mavridi kelganida yana bir bor uchrashib, qator ikki tomonlama masalalarni muhokama qilishga kelishib olgan.
Izoh (0)