Покистон пойтахтидан 50 километр нарида ИШИД террорчи гуруҳи етакчиларидан бирини йўқ қилиш бўйича операция ўтказилди. Бу ҳақда «Корреспондент.net» хабар бермоқда.
Айтилишича, Мерри шаҳридаги уйлардан бирида ҳуқуқ-тартибот органлари ходимлари бир неча жангарини аниқлади. Полиция аксилтеррор бўлимининг икки хизматчиси бошланиб кетган отишмада яраланди. Икки жангари қочиб кетишга муваффақ бўлди.
Қидирув чоғида уй ичидан худкуш камари ҳамда қўлбола портловчи ускуналар ясаш учун керакли компонентлар топилди. Полиция жангарилар Равалпинди ва Исломободдаги ОАВ биноларига ҳужумларни режалаштирганини аниқлади.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)