Time jurnali 100 Photographs loyihasini ishga tushirdi, uning doirasida barcha davrlardagi eng ahamiyatli fotosuratlar e’lon qilindi. Suratlar nashr saytiga joylandi.
Loyihaga berilgan izohda aytilishicha, uning ustida qariyb uch yil ish olib borilgan. Suratlarni tanlashda jurnal muharrirlari butun dunyo fotosuratchilari, tarixchilari va kuratorlari bilan maslahatlashgan.
Bundan tashqari, Time muxbirlari fotosuratchilar, suratlarda aks etgan kishilar, ularning do‘st va qarindoshlaridan intervyu olib, har bitta asar uchun batafsil izoh yaratishga uringan.
100 Photographs’ga 1826—2015-yillarda olingan suratlar kirdi. Ular orasida mobil telefonda tushirilgan birinchi surat, Ivodzima osmoniga ko‘tarilgan bayroq, “Qulayotgan odam” va Ernesto Che Gevaraning portreti ham bor.
Izoh (0)