Poytaxtdagi Temiryo‘lchilar markaziy saroyida Toshkentdagi Vestminster xalqaro universiteti bitiruvchilariga diplom topshirish marosimi bo‘lib o‘tdi. Bu haqda “Daryo”ga o‘quv yurti mutasaddilari ma’lum qildi.
Diplomlar barcha 5 yo‘nalishi — “Iqtisod”, “Iqtisod va moliya”, “Biznesni boshqarish”, “Biznesda axborot texnologiyalari” va “Xalqaro huquq”ni tamomlagan talabalarga topshirdi.
Marosimda ishtirok etish uchun Buyuk Britaniya poytaxtidan Vestminster universiteti rektori doktor Jeffri Petts va boshqa mehmonlar maxsus yetib keldi.
Tadbirga bitiruvchilarning ota-onalari, shuningdek, oliy o‘quv yurti shakllanishi va rivojlanishi uchun hissa qo‘shgan shaxslar taklif etildi. Tantanali marosim chog‘ida 400 dan ortiq talaba universitet rektori Komiljon Karimov va Londondagi Vestminster universiteti prorektori doktor Aleks Xyuz qo‘lidan diplomlarini qabul qilib oldi.
Izoh (0)