O‘zbekiston ichki ishlar vazirligi va uning hududiy bo‘linmalari Prezident sayloviga tayyorgarlik va uni o‘tkazish chog‘ida xavfsizlikni ta’minlash choralarini amalga oshirmoqda. Bu haqda vazirlik inson huquqlarini himoya etish va yuridik ta’minot boshqarmasi boshlig‘i Ilhom Turg‘unov ma’lum qildi, deya xabar beradi “Gazeta.uz”.
“Ichki ishlar idoralari saylov kampaniyasi davrida jamoat tartibini saqlash, fuqarolar va respublika mehmonlari xavfsizligini ta’minlash uchun zarur barcha tadbirlarni amalga oshirmoqda. Saylov okruglari va uchastkalari xavfsizligini ta’minlash uchun yetarlicha xodim, avtotransport, aloqa vositalari va boshqa jihozlar ajratilgan”, — deya ta’kidladi I.Turg‘unov.
Vazirlik vakiliga ko‘ra, saylov kuni yo‘l harakati xavfsizligini ta’minlashga ham e’tibor qaratilmoqda. Saylov uchastkalariga olib boradigan yo‘llarga qo‘shimcha yo‘l belgilari o‘rnatilmoqda. Bugungi kungacha uchastkalar yaqinida 3953 avtoturargoh tayyor holatga keltirildi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)