Пойтахтдаги Темирйўлчилар марказий саройида Тошкентдаги Вестминстер халқаро университети битирувчиларига диплом топшириш маросими бўлиб ўтди. Бу ҳақда «Дарё»га ўқув юрти мутасаддилари маълум қилди.
Дипломлар барча 5 йўналиши — «Иқтисод», «Иқтисод ва молия», «Бизнесни бошқариш», «Бизнесда ахборот технологиялари» ва «Халқаро ҳуқуқ»ни тамомлаган талабаларга топширди.
Маросимда иштирок этиш учун Буюк Британия пойтахтидан Вестминстер университети ректори доктор Жеффри Петтс ва бошқа меҳмонлар махсус етиб келди.
Тадбирга битирувчиларнинг ота-оналари, шунингдек, олий ўқув юрти шаклланиши ва ривожланиши учун ҳисса қўшган шахслар таклиф этилди. Тантанали маросим чоғида 400 дан ортиқ талаба университет ректори Комилжон Каримов ва Лондондаги Вестминстер университети проректори доктор Алекс Хьюз қўлидан дипломларини қабул қилиб олди.
Изоҳ (0)