Sankt-Peterburg (Rossiya) tabiatni muhofaza qilish qo‘mitasi Neva tumanidagi Murzinka daryosi oq tusga kirishida aybdor bo‘lgan “Ekoprom” korxonasiga qarshi ma’muriy ish qo‘zg‘adi. Bu haqda TJournal xabar bermoqda.
Mutaxassislar daryoga hidsiz oq kukunsifat modda tashlanganini taxmin qilmoqda. Ekspertlar korxona tomonidan yetkazilgan ekologik zarar va buning uchun ko‘riladigan chorani aniqlashi talab etiladi.
Daryo suvi rangi o‘zgarganiga peterburgliklar 14-oktabrdayoq e’tibor bergandi. Mahalliy ichimlik suvi tarmog‘i vakillari tekshiruvdan so‘ng suv rangi mahalliy korxona faoliyati tufayli o‘zgargani, biroq shahar ichimlik suvi sifati uchun xavf yo‘qligini ma’lum qildi.
Izoh (0)