Bangkokda uchta portlashni amalga oshirishga tayyorgarlikda gumon qilingan erkak politsiya tomonidan Tailand poytaxti yaqinidagi Samutprakan provinsiyasida qo‘lga olindi. Bu haqda “TASS” xabar bermoqda.
Maxsus operatsiya huquq-tartibot idoralari tomonidan Bangkok hududida 25—30-oktabr kunlari portlashlar uyushtirish rejalashtirilgani haqida ma’lumot olinganidan so‘ng o‘tkazildi. Kuch tizimlari xodimlariga ko‘ra, teraktlar uchun portlovchi moddalar bilan to‘ldirilgan transport vositalaridan foydalanish rejalashtirilgan.
Oldinroq OAVda maxsus operatsiya doirasida 20 nafardan oshiq kishi qo‘lga olingani bildirilgandi, biroq ularga ayblov e’lon qilingani haqida rasman xabar qilinmadi.
Izoh (0)