Pixar studiyasi animatorlari Endryu Koets va Lu Gamu-Ladj “Borrowed Time” nomli qisqa metrajli multfilm suratga oldi. Gizmodo’ning yozishicha, animatorlar 6 daqiqa 45 soniyalik ushbu multfilm ustida so‘nggi besh yil davomida — faqat bo‘sh vaqtida ishlagan.
Multfilm bolaligida yuz bergan baxtsiz hodisani hech yodidan chiqara olmaydigan sherif haqida hikoya qiladi.
“Tashlangan har bir qadam u unutishni xohlagan xotirani yanada kuchliroq jonlantiraveradi. Biroq o‘z xatosi bilan yuzma-yuz kelgan vaqtda u yashashda davom etish uchun o‘zida kuch topa olishi shart”, — deyiladi film tavsifida.
Gamu-Ladj “Vall-I” va “O‘yinchilar tarixi: Katta qochish” multfilmlarida personajlar bo‘yicha rassom sifatida ishlagan, Koets esa “Yaxshi dinozavr” va “Jasur” (ruscha — “Xrabraya serdtsem”) animatsion filmlariga jalb etilgan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)