So‘zining boshida futbolchilarga rahmat aytgan Samvel Babayan, so‘zining oxirida muxlislardan uzr so‘radi

O‘zbekiston milliy terma jamoasi bosh murabbiyi Samvel Babayan Eronga qarshi bellashuvdan keyingi matbuot anjumanida ishtirok etib, so‘zining yakunida muxlislardan uzr so‘radi va oldinda o‘yinlar ko‘pligi haqida aytib, ularga tayyorgarlik ko‘rishini ma’lum qildi.

Samvel Babayan so‘zining boshida so‘nggi daqiqalarga qadar o‘ynagani uchun futbolchilarga rahmat aytdi: “Afsuski, muhim o‘yinda omadsiz o‘ynadik. Ahmedovning yo‘qligi bizga qattiq ta’sir qildi. Hujumda vaziyatlar kam yaratdik. Bugun yutqazdik, ammo o‘yinlar hali ko‘p. So‘nggi daqiqalarga qadar harakat qilgan futbolchilarga rahmat aytaman”.

“Bu bosqichdagi hech bir natija meni xayron qoldirmayapti. Ahmedov katta ehtimol bilan Xitoyga qarshi o‘yinda maydonga tushadi”, — dedi Babayan.

“Termada o‘yin taqdirini hal qilishi mumkin bo‘lgan futbolchilar bor, ammo juda kam. Har bir yo‘qotish uchun oltinga teng. Bugun Odil Ahmedovga bog‘lanib qolgan jamoani ko‘rdik”, — deb murabbiyning so‘zlaridan iqtibos keltirdi “Championat.asia”.

“Xato va kamchiliklar bunday o‘yinlarda uchrab turadi, ularning ustida albatta ishlaymiz. So‘zim oxirida muxlislardan uzr so‘rayman”, — deb fikrini yakunladi O‘zbekiston milliy terma jamoasi bosh murabbiyi.