Belarus poytaxti Minskda ota-onasi Olimpiada chempionlari bo‘lgan chaqaloq dunyoga keldi: mashhur biatlonchilar — belaruslik Darya Domracheva va norvegiyalik Ule-Eynar Byorndalen qizaloqli bo‘ldi. Bu haqda “Perviy kanal” xabar berdi.
Juftlik 2010-yili Vankuverdagi Olimpiadada tanishgan va uzoq vaqt munosabatlarini oshkor etmagandi. Lekin yarim yil avval Byorndalen Darya undan farzand kutayotganini tan oldi, yozda esa sportchilar nikohdan o‘tdi.
Norvegiyalikning bildirishicha, chaqaloq va uning onasi o‘zini yaxshi his etmoqda. Juftlik esa sportda qoladi: Byorndalen mavsumga tayyorgarlik ko‘rmoqda, Domracheva esa, tabiiyki, unga keyinroq qo‘shiladi.
Izoh (0)