Ўзбекистон миллий терма жамоаси бош мураббийи Самвел Бабаян Эронга қарши беллашувдан кейинги матбуот анжуманида иштирок этиб, сўзининг якунида мухлислардан узр сўради ва олдинда ўйинлар кўплиги ҳақида айтиб, уларга тайёргарлик кўришини маълум қилди.
Самвел Бабаян сўзининг бошида сўнгги дақиқаларга қадар ўйнагани учун футболчиларга раҳмат айтди: «Афсуски, муҳим ўйинда омадсиз ўйнадик. Аҳмедовнинг йўқлиги бизга қаттиқ таъсир қилди. Ҳужумда вазиятлар кам яратдик. Бугун ютқаздик, аммо ўйинлар ҳали кўп. Сўнгги дақиқаларга қадар ҳаракат қилган футболчиларга раҳмат айтаман».
«Бу босқичдаги ҳеч бир натижа мени хайрон қолдирмаяпти. Аҳмедов катта эҳтимол билан Хитойга қарши ўйинда майдонга тушади», — деди Бабаян.
«Термада ўйин тақдирини ҳал қилиши мумкин бўлган футболчилар бор, аммо жуда кам. Ҳар бир йўқотиш учун олтинга тенг. Бугун Одил Аҳмедовга боғланиб қолган жамоани кўрдик», — деб мураббийнинг сўзларидан иқтибос келтирди «Championat.asia».
«Хато ва камчиликлар бундай ўйинларда учраб туради, уларнинг устида албатта ишлаймиз. Сўзим охирида мухлислардан узр сўрайман», — деб фикрини якунлади Ўзбекистон миллий терма жамоаси бош мураббийи.
Изоҳ (0)