AQSh prezidenti Barak Obama qizlari Maliya va Sashaning mamlakat Qurolli kuchlarida xizmat o‘tash istagiga qarshilik qilmagan bo‘lardi. Bunday bayonotni u AQSh quruqlik qo‘shinlarining Fort-Lidagi bazasida harbiy xizmatchilar va ularning ota-onalari bilan bo‘lib o‘tgan uchrashuvda ma’lum qildi, deb yozadi Reuters.
“Men: ‘Olg‘a’, — degan bo‘lardim. Albatta, ular qayerda xizmat o‘tashi mumkinligini o‘ylab tashvishlanmasdim, desam aldagan bo‘laman. Farzandlaringiz — baribir farzandlaringiz, va agar iloji bo‘lganida, siz ularni bir umr uyda ushlab o‘tirardingiz”, — dedi Obama.
Amerika yetakchisi, shuningdek, ko‘proq amerikaliklar harbiy xizmatga borishini yoqlab chiqdi. Xususan, uning so‘zlariga ko‘ra, bu “yuqori darajali daromadga ega kishilar”ga taalluqli.
Izoh (0)