Tomsk (Rossiya) yaqinida uch yo‘lovchi laynerlari ekipaji 27-sentabr, seshanba kuni kechki payt meteoritga o‘xshash yorqin obyektni kuzatdi. Bu haqda aviadispetcherlik xizmatlaridagi manba ma’lum qildi, deya xabar bermoqda “Interfaks”.
“Koreya, Xitoy va ‘Aeroflot’ samolyotlari ekipaji tungi soat uchlar atrofida samolyotlar yaqinida, aynan bir joyda, Tomskdan taxminan 120 kilometr uzoqlikda keyinchalik bo‘laklarga bo‘linib ketgan yorqin nurlanuvchi nuqtani kuzatgan. Biroq shoshilinch xizmatlar hodisa joyida havo kemalari bilan bog‘liq holatlar qayd etilmaganini bildirdi”, — deya ta’kidladi manba.
Dastlabki ma’lumotlarga ko‘ra, ekipajlar Yer atmosferasiga meteorit kirishi va keyinchalik yonib ketishini kuzatgan bo‘lishi mumkin.
Izoh (0)