Rossiyalik milliarder Vagit Alekperovning 70 metrli Galactica Super Nova superyaxtasi xalqaro Monaco Yacht Show ko‘rgazmasida “Eng yaxshi yangi yaxta” va “Eng a’lo interyer dizayni” yo‘nalishlarida g‘olib chiqdi. Bu haqda YachtHarbour xabar bermoqda.
Galactica Super Nova bilan 13 ta yaxta raqobat qildi, ulardan ikkisi mukofotlarga loyiq ko‘rildi. Jumladan, 70 metrli Sybaris ham tashqi dizayni uchun taqdirlandi.
47 metrli Genesi esa ekologik jihatdan eng maqbul deb topildi (hozirda mazkur kema 26,5 million yevro narxda sotuvga qo‘yilgan).
Ma’lumot uchun, Alekperovning yaxtasi Heesen (Niderlandiya) kemasozlik korxonasida rekord darajadagi qisqa muddat — 41 oyda qurib bitkazildi.
Galactica Super Nova oltita kayutada joylashadigan 12 yo‘lovchiga mo‘ljallangan. Uning narxi oshkor etilmagan.
Izoh (0)