Uchuvchisiz uchish qurilmasi tufayli Dubay xalqaro aeroportida salkam yarim soat davomida transport harakati to‘xtab qoldi. Bu haqda aeroportning Twitter’dagi sahifasida ma’lum qilindi, deya xabar beradi “Interfaks”.
Dunyoning eng gavjum aeroportlaridan biri atrofidagi havo kengliklari mazkur hududga ruxsatsiz kirgan uchuvchisiz qurilma sababli yopib qo‘yildi.
“Xavfsizlik — asosiy vazifamiz, shu bois barcha uchuvchisiz uchish qurilmalariga aeroport yoki aerodromga besh kilometrdan ko‘proq masofaga yaqinlashish taqiqlanganini eslatib o‘tamiz”, — deyiladi xabarda.
Bunday huquqbuzarlik uchun BAAda katta miqdordagi jarimalar joriy etilgan.
Izoh (0)