Demokratlar partiyasi vakillari bo‘lgan Kaliforniya shtatidan kongressmen Ted Lyu va senator Ed Marki 27-sentabr, chorshanba kuni Kongressga AQSh birinchi bo‘lib yadro zarbasi berishini taqiqlovchi qonun loyihasini kiritdi. Bu haqda “TASS” xabar bermoqda.
“Yadro urushi insoniyatning omon qolishi uchun ulkan xavf tug‘diradi. Yadro qurolini birinchi bo‘lib qo‘llash imkoniyati esa bu boradagi qarama-qarshilikni yanada kuchaytiradi. AQSh prezidenti bunday quroldan faqat yadro hujumiga javoban foydalanishi kerak”, — deya ta’kidladi Ed Marki.
Ted Lyuga ko‘ra, “AQSh asoschilari prezident Kongress ruxsatisiz sivilizatsiya uchun xatarli qaqshatqich zarba yog‘dirishga buyruq berishi mumkinligini bilganida o‘zini qo‘yarga joy topolmagan bo‘lardi”.
Qonun ijodkorlari birinchi bo‘lib yadro zarbasini berish avvalo AQShning o‘zi yo‘q bo‘lishiga olib kelishi mumkin, deb hisoblamoqda.
Izoh (0)