Neftni eksport qiluvchi mamlakatlar tashkiloti (OPEK) a’zolari Jazoirdagi uchrashuvda neft qazib chiqarish hajmini joriy yilning noyabridan cheklashga kelishib oldi. Bu haqda Reuters OPEKdagi manbasiga tayanib ma’lum qildi, deb yozadi “Kommersant”. Qazib chiqarish hajmini kuniga 32,5 million barrel darajasigacha cheklash rejalashtirilmoqda.
Shundan so‘ng Interkontinental birjasida noyabrda yetkazib beriladigan Brent markasidagi neft fyuchersi 4,6 foizga — barreliga 48,35 dollargacha ko‘tarildi.
28-sentabr, Toshkent vaqti bilan 23:24 holatiga ko‘ra, Brent markasidagi neftning dekabrdagi fyucherslari narxi 5,33 foizga ko‘tarilib, barreliga 49 dollarga yetdi. WTI markasidagi neftning noyabr fyucherslari esa 4,86 foizga — barreliga 46,84 dollargacha o‘sdi.
Izoh (0)