Britaniya Suvda suzuvchi ovlanadigan qushlar va suv-botqoq yer-mulklari tresti mutaxassisi Sasha Dench Rossiya Qizil kitobiga kiritilgan kichik (tundra) oqqushlar Nenetslar muxtor okrugidan tumanli Albionga uchib o‘tishi chog‘ida ularga motoparaplanda parvoz qilish orqali hamrohlik qiladi. Bu haqda loyihaga hamkorlik qilayotgan “Nenetskiy” qo‘riqxonasi “TASS”ga ma’lum qildi.
Qo‘riqxona direktorining ilm-fan bo‘yicha o‘rinbosari Andrey Glotovning so‘zlariga ko‘ra, “Oqqushlar bilan parvoz” xalqaro loyihasi qo‘riqxona hududidan boshlanadi. “11 mamlakat bo‘ylab parvoz chog‘ida britaniyalik tadqiqotchi 30 marta to‘xtaydi, oqqushlarning Arktikadagi in qurish joyidan Britaniyadagi qishlash joyigacha jami 7 ming km yo‘l bosadi, ekspeditsiyani Angliyaning Slimbridj shahrida yakunlaydi”, — dedi u.
Olimning so‘zlariga ko‘ra, Mezen shahrigacha (Arxangelsk viloyati) britaniyalikning hamrohlik guruhi vertolyotda uchadi, undan keyin esa quruqlik transportida harakatlanadi. Shu bilan birga, Mezendan boshlab parvoz internet orqali bevosita translyatsiya qilinishi rejalashtirilmoqda.
Glotovning aniqlik kiritishicha, ayni paytda qo‘riqxona hududida qishlash uchun uchib ketish oldidan 5 mingga yaqin kichik oqqush yig‘ilgan.
Izoh (0)