NATO 2017-yil mayigacha Boltiq mamlakatlari va Polshaga o‘zining yangi batalyonlarini joylashtirishni rejalashtirmoqda, ba’zi bo‘linmalar joylashtirish joyiga 4 ming nafargacha bo‘lgan harbiy xizmatchidan iborat asosiy qo‘shinlar guruhidan ertaroq yetib keladi. Bu haqda The Wall Street Journal gazetasining elektron versiyasi ma’lum qildi, deb yozadi “TASS”.
NATO harbiy qo‘mitasi raisi, chexiyalik general Petr Pavel so‘zlariga ko‘ra, bo‘linmalar kelasi yilning birinchi yarmida yetib kelishni boshlaydi. Shu bilan birga, bir mingga yaqin harbiy xizmatchi Polshaga apreldayoq joylashtiriladi.
“Ushbu to‘rtta jangovar guruh haqida gapirar ekanmiz, biz ularning nafaqat mashq maqsadlaridagi ishtirokini nazarda tutamiz, — dedi Pavel. — Ushbu kuchlar tiyib turish va, agar zarur bo‘lsa, hujum qilish vositalari bo‘lib xizmat qilishi kerak”.
Nashr eslatishicha, iyul oyida NATOning Varshavadagi sammitida alyansning sharqiy qanotini mustahkamlash maqsadida Litva, Latviya, Estoniya va Polshaga bittadan xalqaro batalyon joylashtirish haqida qaror qabul qilingan edi.
Izoh (0)