BMT Xavfsizlik kengashi Rossiya so‘rovi bilan AQSh boshchiligidagi koalitsiya tomonidan Suriya qo‘shinlariga zarbalar berilishi munosabati bilan favqulodda uchrashuv o‘tkazdi, deb yozadi “TASS”.
Unda AQShning BMTdagi doimiy vakili Samanta Pauer Rossiya delegatsiyasi nutqini tinglashdan bosh tortib, o‘zini juda yomon tutdi. Buning o‘rniga u jurnalistlar oldida Rossiyani tanqid qilishga kirishdi. Bu haqda Rossiya doimiy vakili Vitaliy Churkin ma’lum qildi. Uning so‘zlariga ko‘ra, amerikalik diplomat majlislar zaliga qaytib kirganida, u ham zaldan chiqib ketgan.
“Bugun men ko‘rgan narsa meni juda ogoh qilib qo‘ydi, chunki amerikalik hamkasbim Samanta Pauerning harakatlarini kamida g‘alati deyish mumkin. Muhokama majlisi to‘planganida men o‘zimni tashvishlantirgan muammolar bilan bo‘lishishni boshladim. Ma’lum bo‘lishicha, u OAVlar oldiga chiqib, meni tinglamasdan, Rossiyani tanqid qilishni va haqoratlashni boshlagan, hatto bizni ushbu majlisni chaqirganimiz uchun ham tanqid qilgan”, — dedi Churkin.
Uning so‘zlariga ko‘ra, Pauer uning gaplarini tinglashga qiziqmagan, chunki bu tryuk ekanligini aytgan. “Ya’ni bu mutlaqo va misli ko‘rilmagan darajada kishining g‘ashini keltiradigan pozitsiya. Ammo bunday sharoit bo‘ladigan bo‘lsa, menga ham uning bizga qaratilgan ayblovlarini tinglash qiziq emas. Men ham o‘z navbatida ketib qoldim”, — dedi Churkin. Uning qo‘shimcha qilishicha, AQSh doimiy vakili yo‘q paytda uning o‘rinbosari Xavfsizlik kengashi a’zolariga Amerika tomoni Deyr-az-Zor shahridagi hodisani ko‘rib chiqishini aytgan.
Izoh (0)