O‘zbekistonning Birinchi Prezidenti Islom Karimov vafoti munosabati bilan Namangan viloyatida motam tadbirlari bo‘lib o‘tmoqda. Bu haqda O‘zA xabar berdi.
Erta tongdan davlat idoralari, tashkilot va korxonalar, jamoat tashkilotlarining jamoalari, keksa-yu yosh qo‘lida guldasta, qalbida chuqur iztirob, yuz-ko‘zida cheksiz qayg‘u bilan viloyat markazidagi Xotira xiyoboni tomon oqib kela boshladi.
Yig‘ilganlar Islom Karimovning davlat mustaqilligi asoschisi va rahnamosi sifatida xalq oldidagi buyuk xizmatlari haqida so‘zlab, uning vafoti nihoyatda og‘ir yo‘qotish ekanini chuqur qayg‘u bilan izhor qildi.
O‘zbekistonning Birinchi Prezidenti vafoti munosabati bilan Farg‘ona viloyatida ham motam tadbirlari o‘tkazilmoqda. Korxona, tashkilot va muassasalar vakillari, yoshlar, umuman, minglab farg‘onaliklar Farg‘ona shahridagi Teatr konsert saroyi xiyoboniga kelib, Prezident portreti poyiga gullar qo‘ydi.
Shunday tadbirlar Namangan va Farg‘ona viloyatlarining barcha shahar hamda tumanlarida bo‘lib o‘tmoqda.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)