O‘zbekiston Oliy Majlisi Senatida 4-sentabr kuni O‘zbekistonning Birinchi Prezidenti Islom Karimov xotirasiga bag‘ishlangan marosim bo‘ldi, deya xabar bermoqda O‘zA.
Prezident portreti poyiga Oliy Majlis Senati a’zolari, Qonunchilik palatasi deputatlari, Vazirlar Mahkamasi xodimlari, vazirlik va idoralar jamoalari, O‘zbekistonda faoliyat yuritayotgan diplomatik korpus rahbarlari, keng jamoatchilik vakillari yuksak hurmat bajo keltirib, gullar qo‘ydi.
“Nigohlarida qat’iyat, ishonch va mehr balqib turgan Islom Karimovning suratiga qarab, shu zaminda yashayotgan har bir inson buyuk Prezidentimiz amalga oshirgan ezgu ishlar – xalqimiz uchun dunyoda hech kimdan kam bo‘lmagan sharoitlar yaratilgani, qudratli davlatchiligimiz barpo etilgani, davlatimiz jahon hamjamiyatida o‘zining munosib o‘rniga ega bo‘lganini yana bir bor his qilib, bularni ko‘z qorachig‘idek asrash, boshlangan ezgu ishlarni davom ettirishga mas’ul ekanini teran anglamoqda”, — deyiladi O‘zA xabarida.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)