O‘zbekiston viloyat markazlari va yirik shaharlari orasida 28-iyul, payshanba kuni eng salqin havo Namangan shahrida kuzatildi. “O‘zgidromet” ma’lumotiga ko‘ra (pdf), shu kuni Namangan viloyati ma’muriy markazida eng maksimal havo harorati +27 darajagacha ko‘tarilgan.
Nukus, Urganch, Samarqand, Andijon shaharlarida 28-iyul kuni eng yuqori havo harorati +31 daraja, Buxoro, Navoiy, Jizzax Toshkent shaharlarida +33 daraja, Farg‘ona shahrida +32 daraja, Qarshi shahrida +34 daraja, Gulistonda +35 daraja, Termizda +38 darajani tashkil etdi.
O‘zbekistonning tog‘li hududlarida havo harorati bundan ham salqinroq bo‘lgan. Xususan, Qamchiq dovonida 28-iyul kuni havo harorat +19 darajadan oshmagan bo‘lsa, Chimyon yon-bag‘irlarida eng yuqori harorat +22 darajani tashkil etgan.
Avvalroq, 26-iyul kuni O‘zbekistonning aksariyat shaharlarida havo haroratining issiqligi bo‘yicha yangi rekordlar qayd etilgani haqida xabar berilgan edi. Xususan, Termiz shahrida harorat +46 darajagacha ko‘tarilgan bo‘lsa, Toshkentda havoning issiqligi bo‘yicha 103 yillik rekord yangilandi.
Undan keyingi kunlar davomida esa O‘zbekistonda nisbatan salqin, yomg‘irli va shamolli ob-havo sharoiti kuzatilmoqda.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)