Turkiyaga sayohat qilmaslikni tavsiya qilayotgan “O‘zbekturizm”, himoyalanganlik hissi bilan yashaydigan o‘zbekistonliklar, faoliyatini yakunlagan Ruslan Chagayev va kunning boshqa muhim yangiliklari

29-iyulning e’tiborga molik yangiliklari — “Daryo”ning kechki dayjestida.

1. O‘zbekiston fuqarolari himoyalanganlik hissi bo‘yicha dunyoda 2-o‘rinni egalladi. Taqqoslash uchun, Tojikiston qonun va tartib indeksida 89 ball bilan to‘rtinchi, Shveysariya 88 ball bilan beshinchi pog‘onani egalladi.

2. “O‘zbekturizm” vaziyat barqarorlashmagunicha, Turkiyaga sayohat qilishni tavsiya etmaydi. Turkiya hududidagi O‘zbekiston fuqarolariga zarur ehtiyot choralariga rioya qilish tavsiya etildi.

3. 29-iyulga o‘tar kechasi “Yulduzlar yomg‘iri”ni kuzatish mumkin bo‘ladi. Ushbu hodisani O‘zbekiston hududida bulutsiz havo sharoitida kuzatish mumkin.

4. Uch karra Olimpiada chempioni Artur Taymazov Rossiya Davlat Dumasi saylovlari uchun nomzodini qo‘ydi. Artur Taymazov erkin kurash bo‘yicha O‘zbekiston delegatsiyasi safida 4 ta Olimpiadada ishtirok etib, shularning uchtasida oltin medalga ega chiqqan.

5. O‘zbekistonlik bokschi Ruslan Chagayev karyerasini yakunladi. “Ruslan bizga karyerasini yakunlashi haqida ma’lum qildi”, — dedi bokschining menejeri Timur Dugazayev.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.