Toshkent shahrida 1-avgust kuni jamoat transportida — avtobuslar va metropoliten tonggi soat 4:30 dan xizmat ko‘rsatadi. Bu haqda Toshkent shahar hokimligi axborot xizmati xabar bermoqda.
Mazkur qaror “1-avgust kuni oliy o‘quv yurtlariga test sinovlari bo‘lib o‘tishi munosabati bilan abituriyentlar va ularning ota-onalariga qulaylik yaratish maqsadida” qabul qilingan.
Avvalroq 1-avgust kuni tonggi soat 6:00 dan boshlab test sinovlari tadbiri tugaguniga qadar Toshkentning bir qancha ko‘chalari bo‘ylab barcha turdagi transport vositalari harakati cheklanishini ma’lum qilingan edi.
Ma’lumot uchun, O‘zbekiston oliy ta’lim muassasalariga 2016-yilda rekord darajada ko‘p — 663 298 nafar abituriyent hujjat topshirdi. Qayd etish joiz, mamlakat oliy ta’lim muassasalari 2016/2017-o‘quv yilida bakalavriat uchun 57 907 nafar talabani o‘qishga qabul qiladi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)