Shu yil iyul oyida AQSh Xalqaro taraqqiyot agentligi (USAID) texnik masalalar bo‘yicha mutaxassis, bojxona sohasida 40 yildan ortiq tajribaga ega bo‘lgan Irina Sviftni xavfni boshqarish va elektron bojxona deklaratsiyasini to‘ldirishga bag‘ishlangan bir haftalik seminar o‘tkazish uchun O‘zbekistonga taklif etdi. Bu haqda AQSh elchixonasi matbuot xizmati xabar bermoqda.
Xavfni boshqarish va elektron deklaratsiya tartibini yo‘lga qo‘yish bojxona rasmiylashtiruvi jarayonini tezlashtirib, chegaradagi ushlanib qolish bilan bog‘liq muammolarni hal qilishga yordam beradi. Bojxona rasmiylashtiruvi vaqtlarini mukammallashtirish o‘zbekistonlik ishbilarmonlar qiladigan xarajatlarni qisqartiradi hamda O‘zbekistonning mintaqaviy savdodagi raqobatdoshligini oshiradi.
Seminarda 25 nafar o‘zbekistonlik bojxona xodimlari ishtirok etib, ilg‘or xalqaro tajribalar qanday qilib O‘zbekistonda ham tadbiq etilishi mumkinligini o‘rgandi. Ushbu o‘quv mashg‘uloti USAID’ning O‘zbekistonda shaffof bojxona ishlarini yuritish jarayoniga hissa qo‘shishga qaratilgan sa’y-harakatlarining bir bo‘lagidir.
Izoh (0)